Subaru Hərtərəfli Təhlükəsizlik

Subaru-da təhlükəsizlik birinci yerdə gəlir. Buna görə də Subaru 50 ildir ki, qabaqcıl təhlükəsizlik xüsusiyyətlərini daima yeniləyir, sınayır və təkrar testlərdən keçirir. Ən son toqquşmadan müdafiə/qaçma sistemləri və Subaru Qlobal Platforması, Simmetrik AWD kimi texnologiyalar sayəsində Subaru “öncə insan” siyasətini davam etdirir, Hərtərəfli Təhlükəsizliyi təkmilləşdirir, qəzasız gələcək üçün addımlar atır.

İlkin təhlükəsizlik

Əla görmə, optimal sürücü mövqeyi, intuitiv idarəetmə sizi avtomobilin sükanı arxasına keçdiyiniz andan təhlükəsizliklə təmin edir.

Mükəmməl görmə

Yenidən dizayn edilmiş kabinə pəncərəsi, qapı güzgüsü və kor nöqtələri minimallaşdıran struktur ilə daha yaxşı görməni təmin edir.

Qəzaların qarşısını alan sistemlər

EyeSight kimi inkişaf etmiş təhlükəsizlik texnologiyaları toqquşmaların qarşısını almağa kömək edir

Avtomatik əyilən qapı güzgüsü

Arxa-arxaya parkinqi istənilən sürücü üçün daha rahat edir. Sərnişin tərəfdən qapı güzgüsü arxaya hərəkət zamanı avtomatik aşağı əyilir

Adaptive Driving Beam (ADB)

Gecə daha yaxşı görün. Sistem bir neçə LED işığı idarə edərək qaranlıq bölgələri işıqılandırır, eyni zamanda qarşıdan gələn və öndə gedən maşınları görməyinizə mane olmur.

Subaru Rear Vehicle Detection (SRVD)

Arxa künclərdəki sensorlar arxa kor nöqtələrdəki nəqliyyat vasitələrindən xəbər verir, beləliklə, zolağı dəyişmək daha asan olur, arxa-arxaya sürərkən toqquşma potensialının qarşısı alınır.

Reverse Automatic Braking (RAB)

Arxa-arxaya sürərkən toqquşmanın qarşısını alır və ya toqquşmadan dəyən zərəri azaldır. Dörd sensor arxadakı maneələri təyin edib sizə səsli xəbərdarlıq göndərə və əyləcləməni avtomatik tətbiq edə bilər.

Subaru EyeSight sürücüyə dəstək texnologiyası

Yeni və təkmilləşdirilmiş texnologiyalarla yenidən tərtib edilmiş EyeSight sürücülərin yoldakı arxayınlığını təmin edir. Təsviri tanıma və idarəetmə proqram təminatına gələn yeniliklər, həmçinin, ön şüşə ilə inteqrasiya kimi təkmilləşmələr bir çox gerçək vəziyyətlərdə daha inamlı və təhlükəsiz idarəetməyə şərait yaradır.

Adaptiv kruiz control

Uzun səfərlərdə komfort və arxayınlıq. Adaptiv kruiz control daima məsafəni və sürət fərqini monitorinq edərək öndəki avtomobillə ara məsafəni tənzimləyir. O, bir çox yollarda işə yarayır, öndəki avtomobilin əyləc işıqlarını təyin edə bilir, beləcə, gah gedib, gah dayanan hərəkətdə belə məsafəni qoruyur.

Zolaqdan çıxmanın qarşısının alınması

Daima zolaqda qalmağınıza kömək edərək uzun yolları stressiz edir. Zolaq işarələrini tanımaqla və sükanın idarəsinə kömək etməklə avtomobilinizi zolaqda saxlayır. Hətta zolaq işarəsi olmayan yollarda belə yoldan çıxmamağınıza nəzarət edir. Yol kənarındakı sərhədləri, məsələn otları tanıyaraq sükan idarəsinə kömək edir və avtomobilinizin zolağı qorumasını təmin edir.

Zolaq mərkəzlənməsinə nəzarət və öndəki avtomobilə uyğun sükana nəzarət

Zolaq işarələrini və öndəki avtomobili tanıyaraq sürücünün yorğunluğunu və stressini azaldır, avtomobilin yolun mərkəzində qalmasına kömək edir.

Öndəki avtomobilin işədüşməsi barədə xəbərdarlıq

Dayanmısınızsa və avtomobillər yenidən hərəkətə başlayırsa, bu sistem səs və işıqla sizi də hərəkət etməyə təşviq edir.

Toqquşma öncəsi drossel idarəetməsi

Öndə bir maneə varsa və siz arxaya getmək əvəzinə önə getmisinizsə, sistem sizi səs və ya işıqla xəbərdar edə bilər, mühərrikin gücünü kəsərək ön toqquşmanın gücünü və zərərini minimallaşdıra bilər.

Toqquşma öncəsi əyləc sistemi

Geniş görmə bucaqlı yeni stereo kamera, təkmilləşdirilmiş təsvir tanıma və idarəetmə proqram təminatı kəsişmələrdə toqquşmalardan qaçmağa kömək edir.

Zəruri hallarda sükanın avtonom idarəedilməsi

Toqquşma öncəsi əyləcləmə kifayət etmirsə, sükanın avtonom idarəedilməsi stereo kameranı və arxa radarı istifadə edərək zolaq işarələrini təyin edir, öndəki maneə ilə toqquşmadan təhlükəsiz şəkildə qaçmağın mümkün olub-olmadığını mühakimə edir. Əgər təhlükəsiz olduğuna qərar verirsə, avtomatik sükan dəstəyi ilə toqquşmadan qaçmağa kömək edir.

Zəruri hallarda zolaqdan çıxmamağa kömək

Əgər sistem zolaqdan çıxma zamanı yanda, arxada və ya qarşıda nəqliyyat vasitəsi hiss edərsə, sürücünü səs və ekran vasitəsilə xəbərdar edir, dönmə siqnalından asılı olmayaraq sükan idarəetməsinə kömək edir.

Yol nişanlarının tanınması / İntellektual sürət məhdudlaşdırıcı

Yol nişanlarını təyin edərək sürətin keçilməsi və digər hərəkət qaydalarının pozulmasının qarşısını alır, beləliklə, siz idarəetməyə fokuslanırsınız. Sistem sürət həddini və digər yol nişanlarını təyin edir, sürücünü xəbərdar edir, intellectual sürət məhdudlaşdırıcı isə avtomobilin sürətini sürət həddinə uyğunlaşdırır.

Driver Monitoring System (DMS)

DMS təhlükəsizliyi dəstəkləyən ən son texnologiyalardan biridir, onun xüsusi kamerası və üztanıma proqramı yorğunluğu və diqqətin yayılmasını təyin edə bilir. O, beş nəfərədən öncədən qeydə alınmış sürücünü tanıyır, rahat, arxayın və fərdi sürücülük təcrübəsi üçün məxsusi sürücü tənzimləmələrini təmin edir.

Xəbərdarlıq

DMS sürücünün fikrinin yayındığını və ya yorulduğunu təyin edərsə, audio və vizual üsullarla xəbərdarlıq edir.

Sürücü tənzimləmələrinin avtomatik uyğunlaşması

Yaş və ya bədən quruluşundan asılı olmayaraq DMS oturacaq mövqeyini, qapı güzgülərini və kondisioneri sürücünün öncədən qeyd olunmuş tənzimləmələrinə avtomatik şəkildə uyğunlaşdırır.

Qapı güzgülərinin avtomatik uyğunlaşması

Sürməyə başlamazdan əvvəl güzgüləri tənzimləməyə ehtiyac yoxdur, çünki DMS etibarlı şəkildə güzgüləri öncədən qeyd olunmuş tənzimləmələrə uyğunlaşdırır

Fərdi sürücü tənzimləmələri

DMS etibarlı şəkildə digər fərdi sürücü tənzimləmələrini də bərpa edir. Məsələn, mərkəzi ekranda göstərilən kontenti, kondisioneri, sayğac ekranını.

Aktiv təhlükəsizlik

Simmetrik AWD və SQP kimi başlıca texnologiyalar sürücülüyün idarəetmə, dönmə və əyləc kimi əsas elementlərinə nəzarət etməyə imkan verir.

Təhlükələrdən qaçma

Aşağı cazibə mərkəzli quruluş, yaxşılaşdırılmış asqı sistemi və təkmilləşdirilmiş sərtlik sizi sürücüyə dərhal reaksiya verən, yoldakı təhlükələrdən qaçmağa imkan verən avtomobillə təmin edir.

Fırlanma anının aktiv vektorlanması

Fırlanma anının aktiv vektorlanması dönmə zamanı daxili təkərlərə əyləc tətbiq edərək və xarici təkərlərə daha çox güc paylayaraq təhlükədən qaçma və dönmə performansını təkmilləşdirir.

Avtomobilin avtomatik saxlanması

İşıqforda, tıxaclarda və ya yoxuşlarda dayanarkən sürücünün yorğunluğunu azaldır. Hətta tam dayanma zamanı ayağınız pedalda olmasa da, avtomobili saxlayır.

Avtomobilin dinamikasına nəzarət sistemi

Dönmə zamanı AWD dartı paylanmasını, mühərrik çıxışını və əyləcləməni tənzimləyərək təhlükəli vəziyyətlərdən qaçma performansını təkmilləşdirir.

Passiv təhlükəsizlik

Kabinəni qoruyan mühərrik konstruksiyası və SRS hava yastıqları kimi xüsusiyyətlər sayəsində toqquşma zamanı sizi təhlükəsizliklə təmin etmək üçün dizayn edilib.

Kabinəni qoruyan struktur

SQP dizayn ilə gücləndirilmiş sütunlar və çərçivə hər tərəfdən toqquşmanın təsirini udaraq sərnişinlərin müdafiəsini artırır. Mühərrik və ötürücü qutu öndən toqquşma zamanı kabinəyə çırpılmaq əvəzinə aşağıya dorğu gedir.

SRS hava yastıqları

Ön SRS hava yastıqları, ön yan SRS hava yastıqları, pərdətipli SRS hava yastıqları, diz SRS hava yastıqları və ön sərnişin oturacağının SRS hava yastıqları bütün yeni Outback avtomobilləri üçün standart təchizatdır və bütün sərnişinləri toqquşma zamanı yüksək təhlükəsizliklə təmin edir.